Search

Білім министрі мектептерге компьютер сатып алу шарасы қалай жүргізіліп жатқанын айтты



ҚР Білім және ғылым министрі Асхат Аймағамбетов мектептерге компьютер сатып алу жұмыстары қалай жүргізіліп жатқанын айтты, деп хабарлайды ҚазАқпарат тілшісі.


«Ірі мемлекеттік сатып алулар бойынша айқын, ашық шешім қабылдау алгоритмі әзірленетін болады. Онда «Адалдық алаңы» мен «Адал білім» жобалық кеңселерімен өзара іс-қимыл мәселелері көзделген. Мұндай тәжірибе қазіргі уақытта бейімделіп жатыр. Осы жолы біздің әріптестеріміз компьютерлік техника сатып алу барысында осы жұмыстарды жүргізеді», - деді министр педагогтар мен білім және ғылым саласы қызметкерлерінің республикалық тамыз кеңесі барысында.


Оның нақтылай түсуінше, мемлекеттік қаражатты игеру барысы толықтай ашық жасалады.


«Мемлекеттік бағдарламаларды жүзеге асыруға бағытталған барлық қаражатты игеру және толықтай алғанда білім беруді дамыту мемлекеттік бағдарламасының әрбір тармағына мониторинг жасау арнайы сайтта қолжетімді болады», - деді Асхат Аймағамбетов.

© 1999-2019  "Современное образование" республикалық журналының редакциясы

  • Vkontakte Social Icon
  • Instagram Social Icon